പതങ്കയം വെള്ളച്ചാട്ടം
- Destination
- NuttyWays
- ©
കോഴിക്കോട് ജില്ലയിലെ ആനക്കാംപൊയിലിൽ ഇരുവഴിഞ്ഞിപ്പുഴയിലെ ചെറുവെള്ളച്ചാട്ടമാണ് പതങ്കയം.... വർഷത്തിലെ എല്ലാ സീസണിലും സുലഭമായി ജലം ലഭ്യമാണെന്നതാണ് പതങ്കയത്തെ സഞ്ചാരികൾക്ക് പ്രിയങ്കരമാക്കുന്നത്... കൂടെ ചാടിത്തിമിർക്കാനും നീന്തിത്തുടിക്കുവാനും പാകത്തിൽ പാറക്കെട്ടുകൾക്കിടയിൽ പ്രകൃതി തീർത്ത വെള്ളക്കെട്ടുകളും.... വെള്ളരിമലനിരകളിൽ നിന്നും ഉത്ഭവിക്കുന്ന ഇരുവഴിഞ്ഞിയെന്ന സുന്ദരിയുടെ മാറ്റ് കൂട്ടുന്ന അനേകമിടങ്ങളിലൊന്നാണ് പതങ്കയവും...
ഒഴിവ് ദിനങ്ങളുടെ ആലസ്യത്തിൽ തണുത്ത വെള്ളത്തിലൊരു കുളിയും, ഉയർന്ന പാറക്കെട്ടുകളിൽ നിന്നും വെള്ളക്കെട്ടുകളിലേക്ക് എടുത്തു ചാടിയുള്ള ഒരിത്തിരി സാഹസികതയും ആഗ്രഹിക്കുന്ന സഞ്ചാരികളാൽ നിറഞ്ഞിരിക്കും അവധി ദിനങ്ങളിൽ പതങ്കയത്ത്
പ്രശസ്തമായ അരിപ്പാറ വെള്ളച്ചാട്ടം തൊട്ടടുത്താണ്... ആനക്കാം പൊയിലിൽ നിന്നും മുകളിലേക്ക് പോയാൽ മുത്തപ്പൻ പുഴയും മറിപ്പുഴയും എത്താം... വെള്ളരിമല ട്രക്കിങ്ങിന്റെ ബേസ് ക്യാമ്പ് കൂടെയാണ് ആനക്കാം പൊയിൽ.. തുഷാരഗിരി വെള്ളച്ചാട്ടവും തൊട്ടടുത്താണ്
