ആക്കുളം ടൂറിസ്റ്റു ഗ്രാമം
- Destination
- NuttyWays
- ©
തിരുവനന്തപുരത്ത് ആക്കുളം കായലിന്റെ ഭാഗമായി സ്ഥിതി ചെയ്യുന്ന ആക്കുളം ടൂറിസം വില്ലേജ് തിരുവനന്തപുരത്തെ ഏറ്റവും ഭംഗിയുള്ള സ്ഥലങ്ങളിലൊന്നാണ്. തെക്കന്‍ കേരളത്തില്‍ ഏറ്റവും മനോഹരമായ സ്ഥലങ്ങളിലൊന്നും ഇതാണ്.
വേളിക്കായലിന്റെ ഭാഗമായ ആക്കുളം കായലാണ് ആക്കുളത്തിന്റെ ഈ കാണുന്ന സൗന്ദര്യത്തിന് പിന്നില്‍. ഏതു പ്രായത്തിലുള്ളവര്‍ക്കും സമയം ചെലവഴിക്കാന്‍ പറ്റിയ ഇടമാണ് ആക്കുളം ടൂറിസം വില്ലേജ്. എല്ലാവര്‍ക്കും ഇഷ്ടപ്പെടുന്ന രീതിയില്‍ പാര്‍ക്കുകളും ബോട്ടിങ്ങിനുമൊക്കെയായി ഇവിടെ സൗകര്യങ്ങള്‍ ഏര്‍പ്പെടുത്തിയിട്ടുണ്ട്.
പ്രകൃതിയുമായി അടുത്ത് കുറച്ചധികം സമയം ചെലവഴിക്കാന്‍ താല്പര്യമുള്ളവര്‍ക്ക് ധൈര്യമായി ഇവിടെ വരാം. നീന്തല്‍ക്കുളവും കഫറ്റേരിയയും വാട്ടര്‍ ഫൗണ്ടെയ്‌നും സൈക്കിള്‍ ട്രാക്കുമെല്ലാം ഇവിടുത്തെ പ്രത്യേകതകളാണ്.
